विठोजी होळकराच्या कैदेविषयी श्री. य. न. केळकर
यांनी आपल्या ‘ काही अप्रसिद्ध ऐतिहासिक चरित्रे ‘ या ग्रंथात प्रकाशित केलेल्या
दोन नोंदी खालीलप्रमाणे :-
१)
..... ..... त्यावरून बापू
गोखल्याकडे एकटा विठोजी होळकरच कैद झाला नव्हता तर त्याचा कुटुंब कबिलाही हस्तगत
झाला होता. त्यासंबंधी छ ३ जिल्हेजच्या पेशवे रोजकिर्दीतील १७ – ४ – १८०१ च्या
दफाते ( दिलेली इनामे, वर्षासन ) पत्रात अशी नोंद आहे
“ बापूजी गणेश गोखले याचे नावे जाब की तुम्ही
छ २७ जिल्कादिचे विनंती पत्र पाठविले. ते प्रविष्ट जाले. विठोजी होळकर वगैरे आसामी
१ विठोजी होळकर यास बेडीसुद्धा
१ बायको रेवा
१ राख बनाम रमी
१ २ मुले रमीची
१ मुलगी मैना ७ वर्षांची
१ मुलगा हरी ५ वर्षांचा
-------
२
एकूण ५ आसामी तुम्ही बाबाजी
विष्णू कारकून व मैराळजी साठे व माहादजी सोनवणी खिजमतगार याजबरोबर व गाडदी देऊन
पाठविले ते सरकारांत पोहोचले असेत.”
२)
दुसरी एक नोंद छ २९ जिल्हेज
म्हणजे १३ मे १८०१ ची दफाते पत्रातील आहे ती अशी, “ विठोजी होळकर याची माणसे बायको
रेवा, राख रमी व मुले ही सिंहीगडास अटकेस ठेवावयास पाठविली असत. पोटास शिधा मध्यम
प्रत देणे म्हणून नारो गोविंद मामलेदर सिंहीगड याचे नावे सनद.”
संदर्भ ग्रंथ :-
१)
काही अप्रसिद्ध ऐतिहासिक
चरित्रे :- य. न. केळकर
कोणत्याही टिप्पण्या नाहीत:
टिप्पणी पोस्ट करा